Τροπάρια Αναστασίμου Κανόνος Αγίου Ιωάννου του Δαμασκηνού (8ος αι.)

Νυν πάντα πεπλήρωται φωτός,

ουρανός τε  και γη  και τα καταχθόνια˙

εορταζέτω γουν πάσα  κτίσις την έγερσιν Χριστού,

εν η εστερέωται.

Θανάτου εορτάζομεν νέκρωσιν,

Άδου την καθαίρεσιν,

άλλης βιοτής, της αιωνίου, απαρχήν˙

και σκιρτώντες υμνούμεν τον αίτιον,

τον μόνον ευλογητόν των πατέρων Θεόν και υπερένδοξον.

Άρον κύκλω τους οφθαλμούς σου, Σιών, και ίδε˙

ιδού γαρ ήκασί σοι θεοφεγγείς ως φωστήρες

εκ δυσμών και βορρά και θαλάσσης και εώας τα τέκνα σου,

εν σοί ευλογούντα Χριστόν εις τους αιώνας.

Δοξαστικό Αίνων
του Πάσχα

Αναστάσεως ημέρα και λαμπρυνθώμεν τη πανηγύρει και αλλήλους περιπτυξώμεθα. Είπωμεν, αδελφοί,  και τοις μισούσιν  ημάς συγχωρήσωμεν πάντα τη Αναστάσει, και ούτω βοήσωμεν˙ Χριστός ανέστη εκ νεκρών, θανάτω θάνατον πατήσας και τοις εν τοις μνήμασι ζωήν χαρισάμενος.